Sarah Miles

Sarah Miles

(1980)
Biografía
Nacemento	31 de decembro de 1941 (82 anos) Ingatestone, Reino Unido (pt)
Educación	Royal Academy of Dramatic Art - Actuación (–1960) Roedean School (en)
Actividade
Campo de traballo	Teatro, filme, televisión e literatura
Ocupación	actriz, actriz de cinema, actriz de teatro, escritora
Período de actividade	1961 -
Familia
Cónxuxe	Robert Bolt (1988–1995) Robert Bolt (1967–1975)

Sarah Miles, nada en Ingatestone, Essex, o 31 de decembro de 1941, é unha actriz inglesa.

Traxectoria

Miles asistiu primeiro á escola de Roedean e a outras tres escolas, mais foi expulsada de todas. Aos quince anos matriculouse na Royal Academy of Dramatic Art. Despois de graduarse debutou no cinema en 1962 como Shirley Taylor en Term of Trial, protagonizado con Laurence Olivier, con quen mantivo unha breve relación. Nos seguintes anos, Miles converteuse nunha recoñecida actriz do cinema británico polos seus papeis nos filmes The Servant (Joseph Losey, 1963) e Ampliación (Michelangelo Antonioni, 1966).

Tras actuar en varios filmes entre 1966 e 1969, foi escollida para o papel de Rosy Ryan, filla de Tom Ryan no filme de David Lean de 1970 Ryan's Daughter. A súa interpretación valeulle unha candidatura ao Óscar á mellor actriz.

En 1973, mentres participa na rodaxe do filme The Man Who Loved Cat Dancing, un antigo amante seu e aspirante a guionista, David Whiting, faleceu en circunstancias misteriosas. Durante ese mesmo período, Miles tivo unha relación Burt Reynolds, con quen protagonizaba o filme. Tamén en 1973 protagonizou xunto a Robert Shaw o filme The Hirelling dirixido por Alan Bridges, baseado na novela homónima de L. P. Hartley, que gañou a Palma de Ouro do Festival de Cannes daquel ano.

Desde 1973, Miles foise retirando durante períodos para só aparecer nalgúns filmes ou programas de televisión, como na obra Well, nos Trafalgar Studios e no Teatro Apollo de Londres, con Natalie Casey.

Vida persoal

Miles estivo casada en dúas ocasións co dramaturgo Robert Bolt (de 1967 a 1975 e de 1988 a 1995). Bolt escribiu e dirixiu o filme Lady Caroline Lamb, en que Miles interpretaba a heroína homónima. Bolt tamén foi o guionista de Ryan's Daughter.

Sarah Miles é irmá do director de cinema, produtor e guionista Christopher Miles.

Filmografía

Ano	Filme	Personaxe	Notas
1962	Term of trial	Shirley Taylor	Candidata ao BAFTA á mellor debutante
1963	The Servant	Vera	Candidata ao BAFTA á mellor actriz
	The Ceremony	Catherine
1965	Those Magnificent Men in their Flying Machines	Patricia Rawnsley
	I Was Happy Here	Cass Langdon	Also known as Time Lost and Time Remembered
1966	Ampliación	Patricia
1970	Ryan's Daughter	Rosy Ryan	Candidata ao Óscar á mellor actriz Candidata ao BAFTA á mellor actriz Candidata ao Globo de Ouro á mellor actriz - Drama
1972	Lady Caroline Lamb	Lady Caroline Lamb
1973	The Hireling	Lady Franklin
	The Man Who Loved Cat Dancing	Catherine Crocker
1974	Great Expectations	Estella
1975	Bride to Be	Pepita Jiménez
1976	The Sailor Who Fell from Grace with the Sea	Anne Osborne	Candidata ao Globo de Ouro á mellor actriz - Drama
1978	The Big Sleep	Charlotte Sternwood
1981	Priest of Love	Film Star
	Venom	Dr. Marion Stowe
1984	Ordeal by Innocence	Mary Durant
1985	Steaming	Sarah
1986	The Harem	Lady Ashley
1987	Esperanza e gloria	Grace Rowan	Candidata ao BAFTA á mellor actriz
	White Mischief	Alice de Janzé
1992	The Silent Touch	Helena
2001	Days of Grace	Sissi, La Madre
	Jurij	Martina, directora clínica
2003	The Accidental Detective	Smeralda Mazzi Tinghi

Véxase tamén

Ligazóns externas

• Sarah Miles en TCM Movie Database (en inglés)
• Sarah Miles en AllMovie (en inglés)
• Entrevista con Sarah Miles (en inglés)
• Entrevista con Sarah Miles Arquivado 03 de abril de 2009 en Wayback Machine. (en inglés)